المخرج رامي امام
وانا بعمل بودي جارد, اتخىانقنا انا وبابا وخىناقه ما يعلم بها الا ربنا وبجد عرفت يعني ايه يبقى مخرج وممثل في بيت واحد دي مش ما بتحصلش كتير والحقيقة انا كان عليا ايامها مسؤوليه وكنت لسه شاب صغير سنه 99 كان عند 25 سنه لسه ببدأ حياتي وبخرج لعادل امام فمسؤوليه كبيرة.
كنت متوتر قوي وقليل الخبره وعايزه يعمل الحركات اللي انا عايزها شوف الجنان ؟ عادل امام تاريخ المسرح انا بقول له لا اعمل كده وتقف كده ولما ما عملش اتنرفزت ورميت الورق .. انا ما شفتش غير رمي الورقه ومش بيني وبينه في بروفة على المسرح قدام الممثلين … بعدين عينك ما تشوف الا النور !!!
طبعا هو ثىار جدا وساب المسرح ولغى البروفة وروح، فجأة لنا بقيت اقول هو ايه اللي انا عملته ده ؟ ايه الجهل اللي انا فيه .. بشوح لعادل امام قدام الناس !!
خلصت وروحت وبحط المفتاح في البيت وكل شويه اقول ادخل .. لا ما فيش داعي يا رب يكون نايم .. وانا كتأكد انه قاعد مستنيني .. بفتح الباب لقيت حد بيفتح الباب في نفس اللحظة … لقيت أمي بتبصلي وعايزة تقولي انت عملت ايه يا منيل ؟ مش قادر اوصفلك بقى .. دخلت البيت رجلي بتجرني مش عارف امشي زي اللي رايحين الاعدام كده بأزحف على الارض
داخل كوريدور اوضته كده وبفتح الباب مش قادر اوصفلك … زعيق هستيري متواصل وبعدين هدوء غريب في نفس الوقت، خرجت من الاوضة لقيته هو جايلي بعدها .. وعايز اقولك هو ده ابويا يقرص بس لما يحس انه قرص جامد يجيلك ويقولك ما تزعلش مني ما ينفعش تعمل كده ..
الغريب كمان ان الحركه اللي انا كنت عايزه يعملها وهو مش مرتاحلها لما قعد يذاكرها وحس انها جديده جه قاللي انت كنت صح دي حاجة شفتها كتير مع ابويا
دي فكرة الاب، دي المعادله الصعبه احنا اتربينا على السمع والطاعه وان احنا الكبير ما ينفعش نعمل معاه كل الكلام ده ما بالك ابويا .. ما بالك بعادل امام وفي المسرح … انا كنت غلطان طبعا جدا وقله خبره مني فكان الدرس بالنسبه لي قاسي جدا واتعلمت منه.
المخرج رامي امام
#حكاوي_ورا_الكاميرا
اسعار الذهب اليوم في مصر وتوقعات اسعار الذهب في ظل الارتفاع المستمر باسعار صرف العملات الاجنبيه مقابل الجنيه المصري وانخفاض قيمه العمله المصريه في الاسابيع الماضيه حيث شاهدت اسعار الذهب ارتفاع كبير في الايام الماضيه تجاوزت 400 جنيه فرق اسعار عن الفتره في الاشهر الماضيه بعد ان شهد استقرار وثبات في الاسعار ووعد الاحيان وصل الذهب الى ذروه الانخفاض حتى لامس الثلاثه الاف ومئة جنيه قبل ان يعاود في الارتفاع في الاونه الاخيره بفضل الكثير من المعاملات وارتفاع الطلب وكذلك الازمىات الاقتصاديه الطاحنة والمشكلة الاكبر هي انخفاض قيمه الجنيه المصري مقابل العملات الاجنبيه الاخرى.
